“Sumqayıt” daha bir transfer həyata keçirib.
Sportinfo.az xəbər verir ki, bu haqda klubun mətbuat xidməti məlumat yayıb.
2022/23 mövsümünü “Kəpəz”də keçirmiş qapıçı Orxan Sadıqlı ilə 2 illik anlaşma əldə edilib.
Orxan Sadıqlı 2018/19 mövsümündə də “Sumqayıt” FK-nın şərəfini qoruyub (2 oyun). 30 yaşlı qapıçı karyerası ərzində “Xəzər Lənkəran”, “İnter” (Bakı) və “Zirə”də də oynayıb.
"Sumqayıt" bundan əvvəl "Zirə"dən ayrılan qapıçı Mehdi Cənnətovla da müqavilə imzalayıb.
