Rüfət Abdullazadə yayda "Sumqayıt"ı tərk edə bilər.
Bu, baş məşqçi Samir Abasovun istəyidir.
Təcrübəli mütəxəssis 22 yaşlı yarımmüdafiəçinin performansından narazıdır. Sərəncamında görməkdə maraqlı deyil.
Düzdü, hələ bir neçə tur əvvəldən Abasov narazılığını futbolçunun diqqətinə çatdırıb.
Amma Rüfətin son turun "Qəbələ" ilə oyununda (2:3) sonradan meydana çıxıb zəif təsir bağışlaması isə çalışdırıcının hiddətini pik həddə çatdırıb.
Bunun nəticəsidir ki, Abdullazadə bölgə klubu ilə oyundan sonra əvəzedici komandaya göndərilib.
Gənclər millimizin də üzvü olan ön xətt oyunçusu "Kimyaçılar"ın öz yetirməsidir. Onun karyerası bütünlüklə Sumqayıt təmsilçisinə bağlıdır.
Əgər yayda ayrılıq olarsa, onun üçün yeni kollektiv ilk təcrübə olacaq.
XANOĞLAN / SPORTİNFO.AZ