«Sumqayıt»ın baş məşqçisi Samir Abasov üzərinə böyük məsuliyyət götürüb.
Dörd illik aradan sonra - ötən ilin payızında komandanın sükanı arxasına dönən mütəxəssis ən pis ssenariyə hazırdır.
«Kimyaçılar» Premyer Liqadan düşərsə, o, I Divizionda da çalışmağa davam edəcək.
Belə olarsa, Abasov hazırda aldığı əməkhaqqısının xeyli hissəsinin azaldılmasına «yox» deməyəcək.
«Sumqayıt» 24 xalla turnir cədvəlinin 8-ci pilləsində məskunlaşıb. «Gənclik şəhəri» təmsilçisi son sıradakı «Səbail»i 6 xal qabaqlayır.
AFFA İcraiyyə Komitəsinin qərarına əsasən, axırıncı yeri tutan komanda növbəti mövsümə I Divizionda başlayacaq.
SPORTİNFO.AZ
