"Sumqayıt"da ayrılıq baş tutub.
Belə ki, əvəzedici komandanın çalışdırıcısı Vüqar Quliyevlə yollar ayrılıb.
Səbəb kollektivin göstərdiyi nəticələrlə bərabər, həm də gənc mütəxəssisin düşərgədə xoş olmayan atmosfer yaratmasıdır.
Qısacası, problem acıdil olmasıdır.
Maraqlı olan digər məsələ isə odur ki, bu ayrılıq həftələr əvvəl reallaşsa da ictimaiyyətə hələ də məlumat verilməyib.
Maraq üçün bildirək ki, "Sumqayıt-2" I divizionda sonuncu pillədə qərar tutur. Aktivində 19 qol olan "kimyaçılar" öz qapısından 41 qol buraxıb.
Quliyev ötən ilin yayından "Sumqayıt-2"ni çalışdırırdı.
XANOĞLAN / SPORTİNFO.AZ
