"Sumqayıt"ın yeni transferi Masaki Murata "Valmiera" ilə bağlı "instaqram" hesabında paylaşım edib.
Sportinfo.az xəbər verir ki, 23 yaşlı yapon futbolçu Latviya klubunda komanda yoldaşı olan Daysuke Yokota haqda yazıb.
"Kimyaçılar"ın yeni transferi həmyerlisi barədə bu sözlərə yer verib:
"Geridə qalan 11 il üçün təşəkkürlər. Biz bütün vaxtımızı birlikdə keçirdik. Ola bilsin ki, daha birlikdə olmayacağıq.
Bir saniyə belə, peşman deyiləm, hamısı gözəl xatirələrdir. Gələcəkdə sənə uğurlar arzu edirəm. Yenidən meydanda üz-üzə gələcəyik".
Xatırladaq ki, Masaki Yokota ilə birlikdə “Valmiera”da Latviya çempionluğunu yaşayıb. "Sumqayıt" Murata ilə 1,5 illik müqavilə imzalayıb.