“Sumqayıt” heyətini yeni futbolçu ilə gücləndirib.
Söhbət braziliyalı vinger Dieqo Kariokadan gedir.
“Kimyaçılar” bir müddətdir intensiv danışıqlar apardığı futbolçu ilə böyük ölçüdə razılıq əldə edib.
Yaxın günlərdə onun ictimaiyyətə rəsmi təqdimatı gözlənilir.
24 yaşlı yarımmüdafiəçi ölkəsində “Aymore”, “Qremio”, “Lajadense, klublarının şərəfin qoruyub.
O, 2019-cu ildə vətəni tərk edərək, legioner həyatı yaşamağa qərar verib.
“Sanbaçı” arxada qalan 3 ili “Vitebsk”, “Soliqorsk” (Belarus), “Kolos” (Ukrayna), “Yaqelloniya” (Polşa) klublarında keçirib.
Hazırda müqavilə ilə “Kolos”a məxsus olan oyunçu son 6 ayı Macarıstanın “Zalaqerseq” klubunda icarədə olub.
XANOĞLAN / SPORTİNFO.AZ