.jpg)
Qış fasiləsinə Premyer Liqada 8-ci pillədə yollanan "Sumqayıt" heyətini yeni legionerlə gücləndirdi.
Sportinfo.az xəbər verir ki, "kimyaçılar" Terrens Tisdellə müqavilə imzaladı.
Müqaviləyə əsasən Liberiya millisinin üzvü mövsümün sonuna qədər "gənclik şəhəri" təmsilçisinin formasını geyinəcək.
Son olaraq Rumıniyanın “Botoşani” klubunda çıxış etmiş liberiyalı vinger “Hapoel" (Petah Tikva, İsrail), “Kocaelispor” (Türkiyə) kimi klubların uğurları üçün çalışıb.
2019-cu ildən dəvət aldığı Liberiya millisinin heyətində 13 oyun keçirən Tisdel 1 qol vurmağa da müvəffəq olub. Solaxay futbolçu hücumun sol və sağ cinahlarında çıxış edə bilir.
