.jpg)
«Sumqayıt»ın baş məşqçisi Samir Abasov daha bir futbolçunu əsas komandadan kənarlaşdırıb.
Araz Abdullayevin xidmətindən imtina edən çalışdırıcı bu dəfə eyni addımı Damian Daniçiçlə bağlı atıb.
Yayda Azərbaycana gələn və 3 illik müqavilə imzalayan xorvatiyalı legioner əvəzedici heyətə göndərib.
Abasovun bir daha dönüşünü istəmədiyi 2000-ci il təvəllüdlü balkanlı sonuncu dəfə Premyer Liqanın 13-cü turunda meydana çıxıb.
Noyabrın 5-də «Neftçi» ilə keçirilən ev matçında 85 dəqiqə forma geyinən Zaqreb «Dinamo»sunun yetirməsi Süleyman Əhmədovla əvəzlənib. Növbəti 2 turda onun adı iştrak ərizəsinə salınmayıb.
Mərkəz müdavfiəçisi artıq I Divizionda da debüt edib. 12-ci turda «Qarabağ»la qarşılaşan gənclər komandasının start heyətində görünən Damian 77-ci dəqiqədə yerini Şəhriyar Fərəcova verib.
SPORTİNFOAZ
