AFFA Abasovun cəzasını yüngülləşdirdi, 3 ay vaxt verdi

25 Noyabr 2022 13:20 Sumqayıt 264
AFFA Abasovun cəzasını yüngülləşdirdi, 3 ay vaxt verdi

AFFA İntizam Komitəsinin (İK) “Sumqayıt”ın baş məşqçisi Samir Abasova verdiyi 5 oyunluq cəza dəyişdirilib.

Sportinfo.az xəbər verir ki, bu, Apellyasiya Arbitraj Tribunalının verdiyi qərarda qeyd olunub.

Bildirilib ki, “Sumqayıt” klubu tərəfindən verilmiş apellyasiya şikayətinin qismən təmin edilməsi ilə baş məşqçiyə verilən 5 matçlıq kənarlaşdırılma 3 oyun şərti tətbiq edilməklə 5 oyunluq cəza ilə əvəz edilib.

Sınaq müddəti qərarın qəbul edildiyi tarixdən etibarən 3 ay müddətinə təyin olunub.

Baş məşqçi sınaq müddəti ərzində yenidən İntizam Məcəlləsi ilə müəyyən olunan hər hansı bir pozuntuya yol verdiyi halda həmin pozuntuya görə cəza təyin olunarkən 3 oyunluq kənarlaşdırma cəzası da tətbiq olunacaq.

"Sumqayıt" klubu barəsində verilən 4000 AZN məbləğində cərimə cəzası isə qüvvədə saxlanılıb.

Digər Xəbərlər
Xəbər Lenti
28 Yanvar 13:40 Ramil Şeydayev seçildi
28 Yanvar 11:20 Bir az da güclənin!
28 Yanvar 03:20 "Bir də olmasın" - VİDEO