«Sumqayıt»ın legioneri Alya Ture üçün cari ili artıq başa çatmış saymaq olar.
Qvineyalı yarımmüdafiəçi dizindən zədə alıb və minimum 2-2,5 ay yaşıl meydanlardan uzaq qalacaq.
Həkimlər afrikalı oyunçunun əməliyyat olunmasını vacib sayır. Bu da o deməkdir ki, Ture gələn ilin yanvarından tez sıraya dönməyəcək.
"Gənclik şəhəri" təmsilçisi onu yayda Türkiyə Super Liqasında çıxış edən "Başakşehir"dən 1 illik icarəyə götürüb.
20 yaşlı vinger daha əvvəl Qvineyanın "Sekvens", Türkiyənin "Akhisarspor" və Danimarkanın "Yammerbuxt" klublarında çıxış edib.
O, həmçinin Qvineyanın 19 yaşadək futbolçulardan ibarət millisinə də dəvət alıb.
SPORTİNFO.AZ
