“Sumqayıt” baş məşqçisi Aleksey Baqa ilə yollarını ayırıb.
Klubun rəsmi saytı Sportinfo.az-ın yaydığı xəbəri təsdiqləyib.
Bildirilib ki, 41 yaşlı mütəxəssisin müqaviləsi qarşılıqlı razılıq əsasında ləğv edilib.
Klub belaruslu baş məşqçiyə təşəkkür edib və ona gələcək karyerasında uğurlar arzulayıb.
Aleksey Baqa 2021-ci ilin dekabrında baş məşqçi təyin olunmuşdu. "Sumqayıt" cari mövsüm Premyer Liqada 7 oyundan sonra 3 xalla 9-cu pillədə qərarlaşıb. Komanda bu 7 oyunda cəmi 1 qol vurub.
Baqa ilə vidalaşan «Sumqayıt» yeni baş məşqçi axtarışlarını yaxın günlərdə tamamlayacaq. Belaruslı çalışdırıcı ilə əməkdaşlığa son qoyan «kimyaçılar» komandanı hələlik onun köməkçisinə – Rail Məlikova tapışırıb.
Onu bildirək ki, «Sumqayıt»ın gündəmində həm yerli, həm də əcnəbi mütəxəssislər yer alıb.
Mayda «Neftçi»dən ayrılan Samir Abasov, həmçinin Zaur Həşimov və Aftandil Hacıyev də namizədlər sırasındadır.