«Sumqayıt» Hakan Sünalla yeni müqavilə bağlayıb.
Bu barədə Sportinfo.az-a klubun mətbuat xidmətinin rəhbəri Rəşad Məmmədov bildirib.
Onun verdiyi məlumata görə, türkiyəli funksioner daha 1 il futbol akademiyasının baş koordinatoru vəzifəsini yerinə yetirəcək.
Ötən ilin yayındadan əvəzedici komandaya da rəhbərlik etmiş Hakan Sünal bu vəzifəsini tərk edib.
«Kimyaçılar» onun rəhbərliyi altında cəmi 20 xal toplayıb və I Divizionu sezonu 11-ci pillədə bitirib.
Onu kimin əvəzlədiyi də məlumdur. Klub rəhbərliyi əvəzedici heyəti Vüqar Quliyevə tapşırıb. R.Məmmədov bildirib ki, rəsmi qərar yaxın günlərdə açıqlanacaq.
