2022/23 mövsümü üçün hazırlıqlarını davam etdirən “Sumqayıt” növbəti yoxlama oyununu keçirib.
Sportinfo.az xəbər verir ki, Aleksey Baqanın komandası “Kapital Bank Arena”nın ehtiyat meydançasında “Kəpəz”lə üz-üzə gəlib.
Ev sahibləri rəqibini 3:2 hesabı ilə üstələyib. “Sumqayıt”ın qollarını Vüsal İsgəndərli, Elşən Abdullayev və Araz Abdullayev vurub. "Sarı-göylər"dən qolları ilk yarıda gürcüstanlı Giorgi Kantariya və baxışda olan braziliyalı Juninyo vurub.
Bununla da, “Sumqayıt” yeni mövsümə hazırlığın birinci mərhələsini başa vurub.
Komanda 1 günlük istirahətin ardından iyulun 16-da təlim-məşq toplanışının ikinci mərhələsi üçün Türkiyənin Bolu şəhərinə yola düşəcək.
30 iyul tarixinədək davam edəcək toplanış müddətində 3 yoxlama oyununun keçirilməsi planlaşdırılır. Rəqiblərin kimliyi və oyunların keçiriləcəyi tarix barədə klubun rəsmi media hesabları tərəfindən məlumat veriləcək.
