Azərbaycan futbolunun tanınmış simalarından olan Vaqif Cavadov məşqçi karyerasını “Sumqayıt”da davam etdirəcək.
Qışda Qazaxıstan təmsilçisi “Turan”a baş məşqçi Vladimir Qazzayevə köməkçi-məşqçi təyin olunan ötənlərin məşhur “7 nömrə”si çox keçmədən oradan ayrıldı.
Daha doğrusu, Qazzayevin gedişindən sonra “Turan”da qalmaq istəmədi.
Azərbaycana qayıdan kimi Cavadova “Sumqayıt”ın U-19 komandası həvalə olundu ki, təklifi qəbul etdi.
Sportinfo.az xəbər verir ki, Vaqif bəy iyulun 4-də yeni işinin icrasına başlayacaq. Məhz həmin gün komanda üzvləri “Kapital Bank Arena”da bir araya gələcək.
Baş məşqçinin köməkçisinin kimliyi də məlumdur. Bu, futbolçu karyerası o qədər də uğurlu alınmayan Tural Rzayevdir.
C kateqoriyasına sahib gənc mütəxəssis Gəncədən olan Rzayev deyil, Bakıdandır.
Vaqif Cavadov Qazaxıstana gedənə qədər “Sumqayıt”ın U-16 komandasına rəhbərlik edib.
HƏBİB / SPORTİNFO.AZ