.jpg)
Andrey Popoviçin “Sumqayıt”ı tərk etməsinin səbəbi bəlli olub.
Ukrayna əsilli qapıçı vətənindən gələn zəngə görə Azərbaycandan ayrılıb.
Belə ki, ötən mövsümün ilk yarısında formasını geyindiyi LNZ-in rəhbərliyi onunla əlaqə saxlayaraq, geri dönməsini tapşırıb. Popoviç də tərəddüd etmədən bu çağırışı qəbul edib və müharibənin getdiyi Ukraynaya yollanıb.
“Kimyaçılar” aprelin 2-də 30 yaşlı qolkiperlə cari mövsümün sonunadək müqavilə imzalamışdı. Razılığa əsasən, sözləşmənin müddəti sonradan daha 1 il uzadılacaqdı.
Millimizin sabiq kiperi daha əvvəl - 2011/12, 2013/14 və 2014/15 mövsümlərində "Sumqayıt"ın formasını geyinib.
2008 - 2012-ci illərdə Azərbaycanın U-19, U-21 və əsas yığmalarında çıxış etmiş kiper "Bakı", "Abşeron" və "Qəbələ"nin də şərəfini qoruyub.
SPORTİNFO.AZ
