"Sumqayıt" bugündən etibarən yeni mövsümün hazırlığına start verəcək.
Sportinfo.az xəbər verir ki, Aleksey Baqanın rəhbərlik etdiyi kollektiv toplanışın ilk hissəsini doğma şəhərdə keçəcək.
İyulun 15-dək davam edəcək hazırlıq çərçivəsində "kimyaçılar" bir yoxlama oyunu keçirəcək.
"Sumqayıt" təlim-məşq toplanışının ikinci hissəsini ölkə xaricində həyata keçirəcək.
Komanda 16 iyul tarixində iki həftəlik hazırlıq psosesi üçün Türkiyənin Bolu şəhərinə yola düşəcək.
Bu müddət ərzində "Koru" hotelində məskunlaşacaq "kimyaçılar" 3 yoxlama oyunu keçirməyi planlaşdırır.
Rəqiblərin kimliyi, oyunların keçiriləcəyi tarix və məkan haqqında məlumat klubun rəsmi media hesabları vasitəsi ilə veriləcək.