Yeni mövsüm üçün transfer çalışmalarına start verən "Sumqayıt" kapitanı Vurğun Hüseynovla müqaviləni yeniləyib.
34 yaşlı müdafiəçi ilə 1 illik yeni sözləşmə imzalanıb.
Vurğun Hüseynov "Sumqayıt"ın tarixində ən çox oyun keçirən futbolçudur. 2013-cü ildə “Xəzər Lənkəran”la matçda Sumqayıt şəhərinin eyniadlı təmsilçisində debüt edən arxa xətt oyunçusu ümumilikdə 188 qarşılaşmada meydana çıxıb.
O, 2 qol vurmağa da müvəffəq olub.
Vurğun “Sumqayıt“da qalmaq üçün maaşının 2000 manat azaldılmasına razılıq verib. Tovuzlu müdafiəçi gələn sezon 4000 manat əməkhaqqı alacaq.
SPORTİNFO.AZ