"Sumqayıt" Azərbaycan Premyer Liqasında 2022-ci ildə ilk qələbəsini qazanıb.
Sportinfo.az xəbər verir ki, komanda buna 26-cı turda evdə "Şamaxı"ya 2:0 hesabı ilə qalib gələrək nail olub.
Bununla da "Sumqayıt" həm 2022-ci ildə, həm də Aleksey Baqanın rəhbərliyi altında ilk qələbəsini qazanıb. Bundan başqa, komanda 15 turdan sonra ilk dəfə meydanı qalib tərk edib.
"Sumqayıt" bundan əvvəl sonuncu dəfə 9-cu turda ötən il oktyabrın 31-i keçirilən görüşdə "Səbail"ə 2:0 hesabı ilə qalib gəlmişdi.