Azərbaycan millisinin keçmiş qapıçısı Andrey Popoviçin ”Sumqayıt”a qayıtmasını dünən xəbər vermişdik.
30 yaşlı qolkiper son olaraq Ukraynada II liqa təmsilçisi LNZ-də çıxış edib.
Karyerası ərzində ölkəmizdə “Bakı”, “Abşeron”, “Turan Tovuz” və “Qəbələ”nin formasını geyinmiş ”əlcək sahibi” sumqayıtlılarla 1,5 illik müqavilə bağlamağa razılaşıb.
Azərbaycanın U-17, U-19 və U-21 yığmaları ilə yanaşı, iki matçda da əsas millimizin (Albaniya – 1:0, Sinqapur – 2:2) şərəfini qorumuş Popoviç xüsusi şərtlərlə geri qaytarılıb.
Belə ki, o, idmançı rejimini pozmayacağını vəd edib. Öncəki illərdə spirtli içkilərə aludəçiliyi ilə tanınmış kiper artıq zərərli vərdişindən əl çəkdiyini bildirib.
SPORTİNFO.AZ
