“Sumqayıt”ın sponsorlarının sırasına yeni ad əlavə olunub.
Sportinfo.az-ın məlumatına görə, marketinq sahəsində daim aktiv fəaliyyəti ilə seçilən “kimyaçılar” ölkənin aparıcı su şirkətlərindən “Slavyanka” ilə tərəfdaşlıq müqaviləsi imzalayacaq.
Adıçəkilən brendlə bağlanacaq müqavilə gələn mövsümün sonuna qədər nəzərdə tutulub.
“Azərikimya” İstehsalat Birliyinin baş sponsoru olduğu klub son illərdə bir neçə tanınmış biznes subyektləri ilə işbirliyi qurmağı bacarıb.
“Kapital Bank”, “PAŞA Holding” şirkətlər qrupuna daxil olan “PAŞA Həyat Sığorta” Açıq Səhmdar Cəmiyyəti, “Universal Pro MMC şirkəti və “Kontakt Home” bura daxildir.
