Legioner həyatı istədiyi kimi alınmayan daha bir azərbaycanlı futbolçu vətənə qayıdıb.
Moldovanın Yüksək Liqa təmsilçisi “Dinamo-Avto”dan qalmaqalla ayrılan Orxan Qurbanlı hazırda “Sumqayıt“ın düşərgəsindədir.
“Kimyaçılar“, böyük ehtimalla, 27 yaşlı yarımmüdafiəçi ilə 4 aylıq müqavilə imzalayacaq.
“Neftçi”nin yetirməsi ötən ilin fevralından formasını geyindiyi “Dinamo-Avto”da 27 oyun keçirib, 3 məhsuldar ötürmə verib.
Bu klub onun 6 aylıq maaş borcunu ödəmədiyindən, həm Moldova Futbol Federasiyasına, həm də FİFA-ya şikayət məktubu ünvanlayıb.
SPORTİNFO.AZ
