“Sumqayıt” bir müddət davam edən danışıqlardan sonra Səid Rza ilə problemi yoluna qoyub.
“Kimyaçılar“ mövsümün əvvəlində - sentyabrda 1 illik müqavilə imzaladığı hücumçu ilə təzminat qarşılığında vidalaşıb.
Bunun üçün cənubi azərbaycanlı forvarda 2 aylıq maaşı ödənilib.
Əvvəllər “Maşınsazi”, “Havadar” kimi klublarda çıxış etmiş hücumçu son olaraq “Aluminium”da (İran) oynayıb.
O, ötən mövsüm 21 matçda meydanda olub və 3 qol vurub. Lakin cənubi azərbaycanlı burada özünü göstərə bilmədi.
Premyer Liqada cəmi 1 dəfə fərqlənən forvard ümidləri doğrultmadı. 11 matçda forma geyindi, cəmi 1 dəfə qol vurdu.
SPORTİNFO.AZ