“Sumqayıt” dövrələrarası fasilədə daha bir futbolçunu heyətinə cəlb edib.
Belə ki, son olaraq Kiprdə - “Etnikos”da çıxış etmiş Araz Abdullayevlə 6 ay + 2 il şərti ilə müqavilə imzalanıb.
O, "78" nömrəli formanı geyincək.
Araz Abdullayev son klubu olan “Etnikos”da meydana çıxdığı 12 qarşılaşmada 3 məhsuldar ötürmə ilə yadda qalıb.
29 yaşlı yarımmüdafiəçi “Neftçi”, “Panionios”, “Qəbələ”, “Anortosis”, “Qarabağ” və “Boluspor” kimi klubların uğurları üçün də çalışıb. U-17, U-19, U-21 və əsas millinin şərəfini qoruyub.
Arazın 6 aylıq müqavilə bağlamasının səbəbi yenidən legioner həyatı yaşamaq niyyəti ilə bağlıdır. Onun meneceri Ukrayna, Türkiyə, Yunanıstan və Portuqaliya kimi ölkələrin klubları ilə danışıqlar aparır.
SPORTİNFO.AZ
