"Sumqayıt"ın Türkiyədə qarşılaşacağı növbəti rəqibin adına aydınlıq gəlib.
"Kimyaçılar" Şimali Makedoniyanın "Şkupi" komandası ilə qarşılaşacaq. Görüş 22 yanvar tarixinə təyin olunub.
Buna kimi komandanın Macarıstanın "Uypeşt"inə rəqib olduğu dəqiqləşmişdi.
Qardaş ölkədə 3 yoxlama görüşü keçirməyi planlaşdıran "Sumqayıt"ın rəqib arayışları davam edir.
Azərbaycan Premyer Liqasında 3-cü dövrənin hazırlıqlarına yanvarın 5-də Sumqayıt şəhərində start verən Aleksey Baqanın yetirmələri hazırlıq prosesinin ikinci mərhələsini Türkiyənin Antalya şəhərində keçirəcək.
Kollektiv yanvarın 12-dən 23-dək Lara bölgəsində yerləşən “Aska Resort” otelində məskunlaşacaq.
SPORTİNFO.AZ