“Sumqayıt”ın qış hazırlıq planı müəyyənləşib.
Sportinfo.az xəbər verir ki, sözügedən komanda 3-cü dövrənin hazırlığına yanvarın 5-də Sumqayıt şəhərində start verəcək.
Sumqayıtlılar hazırlıq prosesinin ikinci mərhələsini Türkiyənin Antalya şəhərində keçirəcəklər.
Yanvarın 12-dən 23-dək Lara bölgəsində yerləşən “Aska Resort” otelində məskunlaşacaq komanda bu müddət ərzində 3 yoxlama oyununda qüvvəsini sınayacaq.
Rəqiblərin kimliyi barədə klubun rəsmi media hesablarında əlavə məlumat veriləcək.
