Baş məşqçi dəyişikliyinə əl atan «Sumqayıt» rəhbərliyi yeni planlarını komandanı gəncləşdirmək üzərində qurub.
Əməkhaqqısı yüksək olan əksər futbolçular hələlik qeyri-rəsmi şəkildə transfer bazarına çıxarılıb.
Kim istəsə, satıla və ya gedə bilər. Pulluna minnət!
Klubun tələb etdiyi maliyyə şərtləri ödənilərsə, heç kimin qarşısı zorla kəsilməyəcək. Bu siyahı get-gedə genişlənir.
Höccət Haqverdi, Cəmaləddin Xocaniyazov və Rəhim Sadıxovdan sonra daha 5 ad bura əlavə olunub: Vurğun Hüseynov, Elvin Məmmədov, Tellur Mütəllimov, Yusif Nəbiyev və Əli Qurbani.
Düzdür, onların müqaviləsi davam edir, lakin maaşlarının azaldılmasına razılıq verərlərsə, mövsümü «Sumqayıt»da başa vura bilərlər.
SPORTİNFO.AZ
