.jpg)
“Sumqayıt”ın futbolçuları Sumqayıtda məşq üzünə həsrət qalıb.
“Kimyaçılar” həftəiçi məşqlərini ev oyunlarını keçirdiyi stadionda keçə bilmir.
Buna səbəb “Kapital Arena”da lazımi şəraitin olmamasıdır. İş burasındadır ki, adıçəkilən arenadakı ehtiyat meydanın qazonu sıradan çıxıb.
Məsuliyyətsizlik və diqqətsizlik üzündən. Hazırda örtüyünü bərpa etməyə çalışırlar. Əsas meydanda hazırlıq keçmək isə risklidir.
Rəhbərlik ot örtüyünün yüklənmə nəticəsində sıradan çıxacağından çəkinir.
“Sumqayıt” bu səbəbdən paytaxtdakı stadionlara sığınmaq məcburiyyətində qalıb. Məşqlər bəzən Bakı Olimpiya Stadionunda, bəzən də “Dalğa Arena”da keçilir. Başqa cür desək, harda boş yer olsa, özlərini ora verirlər.
Sentyabrdan bu yana vəziyyət yazdığımız kimidir. Problemin nə vaxt həll olunacağı bəlli deyil.
Mövzuya qayıdacağıq...
HƏBİB / SPORTİNFO.AZ
