2021/2022 mövsümü üçün transfer çalışmalarını davam etdirən “Sumqayıt” son olaraq “Aluminium”da yer almış Səid Rza ilə 1 illik müqavilə imzalayıb.
Cənubi azərbaycanlı hücumçu yeni komandasında 23 nömrəli formanı geyinəcək.
Əvvəllər “Maşınsazi”, “Havadar” kimi klublarda çıxış etmiş Səid son mövsüm keçirdiyi 21 oyunda meydanda olub və 3 qola imza atıb.
Yeni transfer “Sumqayıt”ın ən bahalı futbolçusu olmayacaq. O, burada ayına 7000 dollar qazanacaq.
Bu göstəricədə Əli Qurbani birincidir. Millinin də şərəfini qoruyan forvardın məvacibi 8000 dollardır.
SPORTİNFO.AZ