“Sumqayıt” kapitan Vurğun Hüseynovun ardınca daha bir futbolçu ilə müqavilə yeniləyib.
Sportinfo.az xəbər verir ki, Murad Xaçayev daha 2 il klubun uğurları üçün çalışacaq.
2018-ci ildən "kimyaçılar"ın şərəfini qoruyan yarımmüdafiəçi ümumilikdə 32 oyunda (2293 dəqiqə) meydanda olub.
O, 4 dəfə rəqib qapılarına yol tapmağa da müvəffəq olub. 23 yaşlı orta sahə oyunçusu həmçinin Azərbaycanın U-19, U-21 və əsas millilərində də çıxış edib.
