"Müqaviləm bitib. Bu günə sabaha hər şey bilinər. Çox güman ki, yeni müqavilə bağlanacaq".
Bu sözləri gələcək karyerası haqqında Sportinfo.az-a açıqlamasında "Sumqayıt"ın kapitanı Vurğun Hüseynov deyib.
Təcrübəli futbolçu bürünc medal qazanan komandada hökm sürən susqunluğun uzun müddət çəkməyəcəyinə inamını bildirib: "Heç bir narahatçılıq yoxdur. İnşallah tezliklə hər şey qaydasına düşəcək".
Xatırladaq ki, 33 yaşlı müdafiəçi arxada qalan mövsüm "Sumqayıt"ın heyətində 21 görüşdə meydana çıxıb.