Ölkə kubokunun yarımfinal mərhələsinin «Qarabağ»la cavab görüşündə zədələnən Əli Qurbaninin durumuna hələ aydınlıq gəlməyib.
«Sumqayıt»ın həkimləri 66-cı dəqiqədə sağ ayaq əzələsini dartaraq Elvin Məmmədovla əvəzlənən hücumçuya 3 günlük istirahət təyin edib.
O, mayın 3-də MRT olunacaq. Əgər gözlənildiyi kimi, zədənin ciddi olmadığı dəqiqləşərsə, millinin üzvü 1 gün sonra «Saabah»la keçiriləcək Premyer Liqa matçında meydana dönəcək.
SPORTİNFO.AZ
