Azərbaycan Premyer Liqasının 22-ci turu çərçivəsində "Sumqayıt" "Qarabağ"la səfər oyununda ağır məğlubiyyətə (4-1) uğradı.
Məğlubiyyətlə bərabər, "kimyaçılar"ın əsas "qol silahı" Əli Qurbani də zədələnərək sıradan çıxdı.
"Sumqayıt"ın yeganə qolunun müəllifi oyunun 72-ci dəqiqəsində zədə səbəbindən yerini Rüfət Abdullazadəyə verməli oldu.
Əli Qurbaninin hazırkı durumu ilə bağlı komandanın mətbuat xidmətinin rəhbəri Rəşad Məmmədov Sportinfo.az-a bunları deyib:
"Zədənin ciddi və ya yüngül olması barədə dəqiq nəsə yoxdur. Həkimlər MRT-dən sonra hər şeyə aydınlıq gələcəyini bildirib.
Dizin arxa əzələsinin dartılma diaqnozu qoyulub. Əgər dartılma olsa yəqin ki, 3 həftə olmayacaq. Əksi olsa 3-4 günə komandaya qoşulacaq. Ən dəqiqi sabah MRT-dən sonra bilinəcək".