“Sumqayıt”ın çalışdırıcısı Ayxan Abbasov Azərbaycan Premyer Liqasında baş məşqçi kimi 100-cü oyununu keçirib.
Sportinfo.az xəbər verir ki, bu, XIX turun “Sabah” – “Sumqayıt” matçına (1:1) təsadüf edib.
Hesabında eyni sayda – 35 qələbə və məğlubiyyət olan mütəxəssis yubiley matçında yubiley – 30-cu heç-heçəsinə imza atıb.
Abbasov Premyer Liqada iki kluba rəhbərlik edib. O, 2017-18-ci illərdə “Zirə”ni 44, 2018-ci ildən indiyədək “Sumqayıt”ı 56 qarşılaşmaya çıxarıb.
Onun Premyer Liqada baş məşqçi kimi debütü 2016/17 mövsümünün ikinci yarısına təsadüf edib. 2017-ci il yanvarın 29-da “Zirə” öz meydanında AZAL-a 2:1 hesabı ilə qalıb gəlib.
