“Sumqayıt”ın futbolçusu Sənan Ağayev mövsümün rekorduna imza atıb.
Sportinfo.az xəbər verir ki, o, cari Premyer Liqada meydana çıxan ən gənc oyunçu olub.
2004-cü il iyunun 16-da anadan olan yarımmüdafiəçi “Səbail”lə ev matçının 90+2-ci dəqiqəsində debüt şansı qazanıb.
O, 16 yaş 242 günlüyündə Premyer Liqada ilk qarşılaşmasını keçirib. Sənana qədər mövsümün rekordu Cəlal Hüseynova məxsus idi. “Zirə”nin müdafiəçisi 17 yaş 297 günlüyündə meydana çıxmışdı.