Bu gün Azərbaycan kubokunda 1/4 final mərhələsi start götürür.
Sportinfo.az xəbər verir ki, açılış matçı Sumqayıtda baş tutacaq.
Premyer Liqada fərqli nəticələrlə diqqət çəkən “Sumqayıt”la “Səbail” birincilərin meydanında üz-üzə gələcək.
Çempionatdan Avropa Liqasına cüzi ümidi qalan bakılılar mərhələ adlamaq üçün ilk növbədə səfərdən sərfəli nəticə ilə dönməlidir. Bu, həm də cütlüyün Azərbaycan kubokları tarixində ilk dueli olacaq.
“Kimyaçılar“ da qarşıdakı görüşə ciddi hazırlaşır. Komanda Ayxan Abbasovun rəhbərliyi altında son çalıışmalarını yerinə yetirib.
.jpg)
