«Şamaxı»da klubdaxili toplantı keçirilib.
İdarə Heyətinin toplantısında komandanın I Liqada cari çıxışı genqiş müzakirə olunub.
Rəhbərlik geridə qalan 8 turda qeydə alınan nəticələrdən kəskin narazılıq ifadə edib. Son turda Zaqatala səfərindən 1:1-lik bərabərliklə qayıdan baş məşqçi Vüqar Əsgərlinin məsələsi burada müzakirəyə çıxarılıb.
Gənc çalışdırıcının istefaya göndərilib-göndərilməməsi səsə qoyulub. İdarə Heyətinin üzvləri sonda qərara gəlib ki, ona daha 1 turluq şans verilsin.
Kollektiv ilk dövrənin bağlanış həftəsində «Karvan»ı evdə uda bilməsə, Əsgərliyə «bye-bye» deyiləcək.
İddiası Premyer Liqaya qayıtmaq olan «Şamaxı» 8 tura 15 xal toplayıb və turnir cədvəlinin 3-cü pilləsində qərarlaşıb. Əyalət təmsilçisi lider «Qaradağ Lökbatan»dan 2 xal geri qalır.
SPORTİNFO.AZ
