Azərbaycan millisi UEFA Millətlər Liqasında cari mövsüm ilk qələbəsini qazanıb.
Sportinfo.az xəbər verir ki, Ayxan Abbasovun baş məşqçi olduğu komanda Bakıda Litvanı qəbul edib.
8-ci km stadionunda baş tutan görüş millinin qələbəsi ilə başa çatıb - 1:0.
Yeganə qolu 25-ci dəqiqədə Abdulla Xaybulayev rəqib qapısından keçirib.
Azərbaycan millisi qrupdakı son matçını noyabrın 13-də səfərdə Lixtenşteynə qarşı keçirəcək.
Azərbaycan – Litva 1:0
Qol: Abdulla Xaybullayev 25
