"PSJ-nin akademiyasına qoşulanda 12 yaşım var idi".
Sportinfo.az xəbər verir ki, bu açıqlama "Səbail"in fransalı legioneri Nikolas Rayselə məxsusdur.
PSJ-dəki karyerası barədə yerli mətbuata danışan hücumçu bəzi maraqlıı məqamlara aydınlıq gətirib:
"Həmin vaxt əsas komanda Liqa 1-də qalmaq uğrunda mübarizə aparırdı.
Daha sonra klubu qətərli iş adamı Nasser Əl-Xəlafi aldı və radikal dəyişikliklər etdi: heyət gücləndirildi, stadiona qulluq etmək üçün İngiltərədən mütəxəssislər gətirildi".
2011-2013-cü illərdə Paris təmsilçisinin ikinci komandasının formasını geyinən forvard 2020-ci ildən Azərbaycanda çıxış edir. Ölkəmizdəki ilk klubu "Qəbələ" olan hücumçu cari mövsümün əvvəlindən "Səbail"in şərəfini qoruyur.