"Tvente" Konfrans Liqasının pley-off mərhələsinin cavab oyununda Bakıda "Qarabağ"la qarşılaşacaq.
Sportinfo.az xəbər verir ki, klubun yaydığı məlumata görə, Niderland təmsilçisi bu oyun üçün Bakıya yollanıb.
"Qarabağ"la görüşə 3 futbolçu itkisi ilə gələn klub Stav Lemkin, Sam Lammers və Kristian Hlinssondan yararlana bilməyəcək. Hər üç futbolçu zədə səbəbindən komandanın heyətinə daxil edilməyib.
"Qarabağ" - "Tvente" görüşü avqustun 27-də keçiriləcək və saat 20:00-da başlayacaq.
Komandaların Niderlandda oynanılan ilk görüşündə "Qarabağ" 1:0 hesabı ilə qalib gəlib.
