Azərbaycanlı “Şah” bu gün Aronyanla qarşılaşacaq – 30 min dollarlıq yarışma

2 Avqust 2021 15:20 Şahmat 462
Azərbaycanlı “Şah” bu gün Aronyanla qarşılaşacaq – 30 min dollarlıq yarışma

Bu gün Azərbaycan şahmatçısı Şəhriyar Məmmədyarov Maqnus Karlsenin təşkil etdiyi Çempionlar Turunun VIII mərhələsində növbəti görüşlərini keçirəcək.

bu, 36 yaşlı qrossmeysterin "Chessable Masters" adlanan turnirinin təsnifat mərhələsində son qarşılaşmaları olacaq.

Məmmədyarov XI turda niderlandlı Jorden Van Forestlə qara, XII turda Alireza Firuzca (FIDE) ilə ağ, XIII turda ABŞ təmsilçisi Uesli So ilə qara, XIV turda Levon Aronyanla ağ, sonuncu - XV turda isə norveçli Aryan Tari ilə qara fiqurlarla oynayacaq.

10 turdan sonra Azərbaycan təmsilçisi 16 şahmatçı arasında 6,5 xalla 4 - 6-cı yerləri bölüşdürür. Bugünkü görüşlərin ardından Məmmədyarovun növbəti raunda vəsiqə qazanıb-qazanmayacağı bəlli olacaq.

Onlayn turnir avqustun 8-də başa çatacaq. Yarışın mükafat fondu 100 min ABŞ dollarıdır. Qalib şahmatçı 30 min ABŞ dolları əldə edəcək. Azərbaycanın digər şahmatçısı Teymur Rəcəbovun adı iştirakçılar siyahısına daxil edilməyib.

"Chessable Masters"

XI tur

Jorden Van Forest (Niderland) - Şəhriyar Məmmədyarov

XII tur

Şəhriyar Məmmədyarov - Alireza Firuzca (FIDE)

XIII tur

Uesli So (ABŞ) - Şəhriyar Məmmədyarov

XIV tur

Şəhriyar Məmmədyarov - Levon Aronyan (Ermənistan)

XV tur

Aryan Tari (Norveç) - Şəhriyar Məmmədyarov

Digər Xəbərlər
Xəbər Lenti