"Meydana qələbə üçün çıxacağıq. Buna nə dərəcədə nail olacağıq, oyundan sonra bəlli olacaq".
Bunu Sportinfo.az-a açıqlamasında Azərbaycan Premyer Liqasının 10-cu turunda qarşılaşacaqları "Neftçi" ilə matç haqqında danışan "Sabah"ın üzvü Aleksey İsayev deyib.
Ötən tur "Zirə" ilə qarşılaşmada "Sabah" 3-1 hesabı ilə önə çıxsa da, sonda üstünlüyü əldən verərək 1 xala razılaşmalı olmuşdu.
Görəsən, 3 xalın belə əldən çıxması son çempionla oyun öncəsi ab-havaya mənfi təsiri ola bilərmi?
İsayevi dinləyək: "Heç bir təsiri olmayacaq. Bu ikisi tam fərqli matçlardı. Əvvəlki oyunumuzu təhlil edib, qarşıdakı görüşə hazırlaşırıq. Əlimizdən gələni edəcəyik ki, meydandan müsbət nəticə ilə ayrılaq".
.jpg)
