"Oyuna yaxşı başladıq. Bunun məntiqi nəticəsi kimi,
ikinci hissədə iki top fərqiylə önə keçdik, lakin təəssüf ki qələbə hesabını qoruyub saxlaya bilmədik".
Bu sözləri Sportinfo.az-a açıqlamasında "Sabah"ın mərkəz müdafiəçisi Bəhlul Mustafazadə Azərbaycan Premyer Liqasının 27-ci turunda "Qəbələ" ilə səfərdə bərabərə (2:2) qaldıqları oyun haqqında danışarkən deyib.
Mustafazadə 2-0 önə keçdikləri oyunda üstünlüyü əldən vermələri haqqda isə bunları deyib: "Qələbəyə nə mane oldu? Bunu tam izah etmək çətindir.
Ola bilsin, sadəcə, oyuna nəzarəti itirdik. Futbolda bu cür hallar da yaşanır. Artıq bu oyunu unudub, çempionatın son oyununa köklənmişik".