.jpg)
Bu gün Region Liqasında mövsümə yekun vurulub.
Hər iki matç Şamaxı stadionunda təşkil olunub.
Öncə üçüncü yer uğrunda görüşdə “Araz-Naxçıvan”la “Qusar” üz-üzə gəlib. Muxtar Respublika təmsilçisi şimal komandasına 2:1 hesabıyla qalib gəlib.
Finalda isə "Xan Lənkəran" və "Cəbrayıl" qarşılaşıb. Gərgin mübarizə şəraitində keçən oyunda yeganə qol 80-ci dəqiqədə vurulub.
Ikincilərin heyətində Tapdıq Əhmədov fərqlənib. Cənub klubu 90+3-cü dəqiqədə status-kvonu bərpa eləmək şansı yaxalayıb.
Gəl ki, Aqşin Paşayev penalti zərbəsini boşa verib. Beləcə, Cavid Hüseynovun çalışdırdığı komanda debüt mövsümünü keçirdiyi çempionatın qalibi adını qazanıb.
SPORTİNFO.AZ
.jpg)
