"Bu işlə AFFA məşğul olur".
Sportinfo.az xəbər verir ki, gənclər və idman naziri Fərid Qayıbov "ASAN Radio"nun "QəbuldASAN" verilişində "Xan Lənkəran" haqda danışıb.
O, Region Liqasında çıxış edən cənub klubunun I Diviziona buraxılmamasına belə münasibət bildirib:
"Məktubu və ya sualı milli assosiyasiyaya yollasalar, daha yaxşı olar. Seçimlər qaydalar əsasında olmalıdır.
Cavab onları qane etmirsə, Gənclər və İdman Nazirliyinə müraciət edə bilərlər. Bu sualın cavabını indi verə bilməyəcəm. Bunu araşdırmaq lazımdır".
