.jpg)
“Biz onu bura gətirməkdə maraqlıyıq, sadəcə, klubu pul istəyir“.
Bu sözləri Sportinfo.az-a açıqlamasında “Qəbələ“nin baş məşqçisi Elmar Baxşıyev deyib.
Samet Karakoçun “Bayrampaşa”dan “Qəbələ”yə transferində problem yaranıb. Türkiyənin III Liqa klubu müqavilə müddəti yayda bitəcək müdafiəçini təzminatsız buraxmaqdan imtina edib.
Aşağı liqa təmsilçisi bunun üçün qarşı tərəfdən 10 min dollar kompensasiya istəyib.
2021-ci ildə milliləşdirilən türkiyəli ölkəsi əvvəl U-19, daha sonra U-21-ə dəvət alıb. 20 yaşlı mərkəz müdafiəçisi “Fənərbağça”nın yetirməsidir.
E.Baxşıyev hazırkı durumu bu cür xarakterizə edib:
“Açığı, mən bilmirəm Türkiyə klubu bizimkilərdən nə qədər kompensasiya istəyir. Hər halda yüksək məbləğdən söhbət gedir ki, bu transfer hələ həyata keçməyib.
Bu iki klubun rəhbərliyi arasında müzakirə edilən məsələdir, mən pul söhbətlərinə qarışmıram. Biz icarə variantını da gözdən keçiririk.
Samet bu mövsüm “Bayrampaşa”da az şans qazanıb. Bildiyimə görə, o da komandanı dəyişməyə həvəs göstərir”.
