AFFA millinin baş məşqçisi postundan istefaya göndərdiyi Fernandu Santuşa təzminatı ödəyib.
Bunu AFFA-nın baş katibi Cahangir Fərəcullayev deyib.
Bildirilib ki, onunla müqavilədə yer alan bütün şərtlərə əməl edilib.
Fəqət, federasiya rəsmisi bu məbləği açıqlamayıb.
Sosial şəbəkələrdə yayılan xəbərlərə görə, qurum ona 1 milyon 800 min avro (3 milyon 700 min manat) kompensasiya verib. Digər məlumatlara görə, bu rəqəm 4 milyon manat təşkil edir.
Fernandu Santuş ötən ayın 8-i istefaya göndərilib. Dünya çempionatının seçmə mərhələsinin ilk turunun İslandiya ilə səfər oyununda qeydə alınan 0:5 hesablı məğlubiyyət portuqaliyalının gedişi ilə nəticələnib.
2024-cü ilin yayında 4 illik müqavilə imzalamış əcnəbi çalışdırıcının vəkili AFFA ilə uzun sürən danışıqlar aparıb.
Yekunda Santuş Azərbaycan tərəfinə 500 min avro güzəştə razılaşıb. Birtəhər də olsa.
SPORTİNFO.AZ
