Tanınmış ukraynalı məşqçi Yuri Vernidub DÇ-2026-nın seçmə mərhələsində Fransa və Azərbaycanla oyunlar üçün milli komandalarına çağırılan oyunçularla bağlı fikirlərini bildirib.
Sportinfo.az xəbər verir ki, təcrübəli mütəxəssis heyətlə bağlı problemlərin olduğunu etiraf edib.
O, xüsusən də, Ukrayna çempionatındakı geriləmənin yığmaya mümkün təsirindən narahatdır:
“Baş məşqçi var, nəticəyə o cavabdehdir. Kimləri çağıracağını özü müəyyənləşdirməlidir.
Çünki ilk növbədə nəticəyə görə məsuliyyət daşıyan odur. Hesab edirəm ki, bu gün çağırılanlar sahib olduqlarımızdır.
Çempionata diqqət yetirin, kimlərin çağırılmalı olduğunu hər kəs deyir. Premyer Liqamızın durumu da göz önündədir.
Kiprlilərə, andorralılara qalib gələ bilmiriksə, deməli, problemlərimiz var. İndi milliyə təzyiq göstərməyə ehtiyac yoxdur.
Vəziyyətlə barışmaq və oyunlar başlayanda danışmaq, nəticə çıxarmaq lazımdır”.
Ukrayna millisi sentyabrın 5-də Vrotslavda Fransa, dörd gün sonra isə Bakıda Azərbaycan yığması ilə qarşılaşacaq.
