2020-ci ilin noyabrında koronavirusa yoluxan Qəhrəman Əliyev hələ də koma vəziyyətindədir.
Yoluxmanın nəticəsində beyin insultu keçirmiş məşqçinin durumu ağır-sabit olaraq qalmaqdadır.
Bu barədə Sportinfo.az-a tanınmış mütəxəssisin yaxınları məlumat verib. Onların sözlərinə görə, xəstə bugünlərdə təkrar müayinədən keçirilib.
Bakıdan Masallıya dəvət olunmuş həkimlər Əliyevin ev şəraitində müalicəsinin davam etdirilməsini məsləhət görüb.
Tibbi personal pasiyentin komadan ayılmaq prosesinin zaman alacağını proqnozlaşdırıb. Sonuncu dəfə «Bakı»da işləmiş çalışdırıcıya qan köçürülüb.
