Peşəkar Futbol Liqası (PFL) bu mövsümdən Premyer Liqaya aid növbəti qərar verib.
Çempionatın təşkilatçısı olan qurumun qərarı bütün iştirakçıları əhatə edir.
Buna əsasən, klublar sezon ərzində maksimum 30 futbolçu sifariş edə bilər.
Müqayisə üçün deyək ki, keçən «futbol ili»ndə bu rəqəm 35 idi.
İştirak ərizəsinin «sərhəd»inin məhdudlaşdırılmasının səbəbi məlum deyil. Odur ki, elitanın əksər təmsilçiləri PFL-nin son qərarından narazı qalıb.
Problem həm də ondadır ki, komandadan göndərilən futbolçuların sayı «30»u dəyişdirmir. Başqa sözlə, qurum gedəni yox, gələni hesaba qatır.
SPORTİNFO.AZ
