.jpg)
Canni De Byazi tərəfindən millinin Monteneqro və Kiprlə oyunlarına dəvət almayan Emin Mahmudov bundan məyus olub.
«Neftçi»nin kapitanı italyan çalışdırıcının ona münasibətindən pərişanlığını artıq gizlədə bilmir.
Bu, yarımmüdafiəçinin klubdakı mövqelərinə də pis təsir etməkdədir. Məşqlərdə həvəssiz iştirakı və «Sabah»la son qarşılaşmada zəif təsir bğışlaması Emini klub rəsmiləri ilə üz-üzə gətirib.
Ümumiyyətlə, idman direktoru Ceyhun Sultanov kapitanın axır 2 aydakı performansından narazıdır və bunu onunla söhbətində də diqqətinə çatdırıb.
«Neftçi» rəhbərliyinin ondan gözləntisi böyükdür. Necə də olmasa, Mahmudov komandanın ən ödənişli 3 futbolçusundan biridir.
Mövsümlərarası fasilədə müqavilə şərtləri daha da yaxşılaşdırılan orta sahə oyunçusu, açıq demək lazımdır ki, hazırda bunun qarşılığını verməyə güclük çəkir.
Heç şübhəsiz, burada milli faktoru öndə dayanır. De Byazi sentyabr və oktyabrdakı rəsmi matçlarda Eminə şans tanımayıb. Bu isə özünü yığmanın əsas heyətində görən yarımmüdafiəçinin psixoloji durumunu gərginləşdirib və düşdüyü vəziyyətlə hələ də barışmaq istəmir.
SPORTİNFO.AZ
.jpg)
